Konkursi për Kryeprokuror të Shtetit, Kurti: Na duhet prokurori aktive që lufton krimet e luftës, krimin e organizuar e korrupsionin

19:22 | 4 Shkurt 2022
Gita

Kryeministri i Kosovës, Albin Kurti, ka folur në lidhje me konkursin për përzgjedhjen e Kryeprokurorit të Shtetit.

Ai tha se, në parim, Kosovës i nevojitet një prokurori aktive, që lufton krimin e organizuar, krimet e luftës e korrupsionin.

“Ajo çka mund të them, në parim, është se na nevojitet një prokurori aktive, që lufton krimin e organizuar, krimet e luftës, korrupsionin, në mënyrë që shteti i Kosovës të bëhet shtet i së drejtës”, është shprehur Kurti në konferencë për media.

Më tej, Kurti tha se pozita e Kryeprokurorit të Shtetit është pozitë tejet e rëndësishme për të ardhmen e Kosovës, si shtet i së drejtës.

Kujtojmë se sot ka përfunduar afati për aplikim në pozitën e Kryeprokurorit të Shtetit, ku kanë aplikuar gjashtë kandidatë, përcjell K.kosova.

LEXO EDHE

Këta janë gjashtë kandidatët që duan ta zënë vendin e Aleksandër Lumezit në Kryeprokurorin e Shtetit – Arbresh.info